暴走瑞士12天體驗之旅の第五天

Zermatt --> Klein Matterhorn馬特洪峰 --> Brig --> Visp --> Saas Fee --> Brig

一早起床，打開房窗周圍望，好感恩，今日好天啊!

明明係好天，點解看不到馬特洪峰﹖我book呢間房係這旅館最貴的一間，因為可以由房中望到馬特洪峰。昨日就話天氣差，甚麼也看不到，點解今日看不到？

同老公立即梳洗走出旅館，原來馬特洪峰正正背著我地的房間，旅館竟然欺騙我地!

唔理住咧，今日咁好天，我地唔理講多，一早就坐纜車上Zermatt的最高點-Klein Matterhorn。因為擔心趕唔到返來check out，走之前就打電話俾旅館職員check out，點知佢話唔可以咁早check out，咁我地未搬返D行季返房，想返來才check out。

好，出發先！往纜車站的沿途，一路都好興奮，終於見到Zermatt的標誌。

老公當然唔會放過這一刻，不斷影相，仲攞埋三角朱古力出嚟(三角朱古力的logo係馬特洪峰)影相。傻瓜!

近距離的Matterhorn

坐差不多係第一班的纜車上山，見到由高處望的Matterhorn與山下望的不一樣。

又見到另一條冰川。

雖然好早，但已好多滑雪及行冰川的高手，帶齊裝備上山。

上到山頂了!雖然好凍(因急急出門，沒有帶備足夠衣服)，因看到這樣的景色，真係無憾!

往後的日子，我都用"天堂"來形容呢個地方。

這是馬特洪峰，有4478米咁高。而我地所站的位置，也有3818米的高度。

背後就是一大片天然的滑雪場，是滑雪者的天堂。

因為太早，落山的人士只有我地兩位，包車。

這個"鐘"好特別的，是逆時針轉...其實這是一個量度高度的儀器。

見到山下的Zermatt了。

唔知點解，馬特洪峰一定有舊雲遮住(看很多旅遊書的相都係咁)，落到山，見到佢又被舊雲遮住。

返到旅館，已過了吃早餐的時間，但趕得及check out的時間，便返房間沖個熱水涼熱下個身，點知一個好惡的旅館職員來到，話喎："我地唔係星級酒店，唔可以話幾時check out 就check out，所以搬了我地的行李出來。"而我老公不甘示弱反問佢，點解我地間房看不到馬特洪峰，佢辯駁話要見到山峰要比貴多10法郎(但網上的價錢170法郎已最貴)。最後還未問過我地，就用咗預約時留下的信用咭號碼付了我們的房錢，真激氣，決定返來香港要send email 投訴佢。

離開這間"黑店"，趕火車離開途中，發現原來這天是Zermatt一年一度的傳統音樂慶典，所以好多瑞士人用傳統的樂器奏樂。

瑞士人的傳統服飾，演奏樂器，難得一見！

火車站旁的大合奏，十分動聽！

火車又送我地到另一個站--Brig。這個地方只是我地的中途寄居站。

返酒店放低行季後，立即到Visp坐郵政巴士到一山谷小鎮Saas Fee。

這個小鎮的獨特之處係它被幾個的冰川包圍。

好寧靜、好悠閒。

我最喜歡這片大草地，相信在這裏坐上一日，也不覺浪費時間呢!

有山又有水，加上紫色小花，很美。

遠處就是Saas Fee這個小鎮。

返回Brig吃晚餐。我冇得大顯身手，就試下地道餐廳的意大利粉。啊!很好吃。

雖然價錢很貴，但份量亦好多呢!

飲飽食醉，逛逛Brig市內的廣場，好古典的建築。

我地今晚住的酒店叫Hotel Ambassador，係三星級啊!