暴走瑞士12天體驗之旅の後記

這張相響Ebernalp影的，最能用這相片提醒我們要感恩........

完成這個瑞士之旅，整個行程都係要靠著父神托著。

第一次踏足歐洲，只選瑞士一個國家，都係因為鍾意這地的自然風光，但睇得太多，又真係有少少悶....

瑞士或歐洲人比我地的感覺係無日本人咁nice，但比中國人有禮貌。我地主觀地覺得當地人係有少少歧視亞洲人(包括日本人，因為我地唔出聲，當地人都以為我地係日本人((曾經有兩位歐洲少女用日文暸我地傾偈))，點解咁講，見到火車、商店等職員招呼我地同招呼紅鬚綠眼的人，都有兩種完全唔同的態度(對我地梗係敷衍D啦)。如果唔係買左Swiss Pass，外國人買火車票係貴當地人一倍的。

另外我地在Appenzell遇到一位新西蘭旅客，其實我地唔識佢的，但佢見到我地，就第一時間向我地投訴中國及印度破壞整個地球的環境，歐洲就唔同喇......等等。唉~作為地理老師的我，大氣的污染源頭仍有待追究，但英國是工業革命的始祖，歐洲排放污染物的時候，好多人都未出世啦。雖然歐洲現在好講環保，但富有了當然可以講環保啦(買一個漢保飽餐等於中國農民一個月的人工)，他們要體諒亞洲國家的經濟發展需要囉！不好意思，突然在此大發偉論....

最後簡單來講，歐洲，要好一段時間才會再來了；始終旅行麻，食又唔好，住又麻麻，景色及玩意又不太多元化，咩野都貴過人，又溝通唔到，人的服務又有少少差........

日本才是我杯茶。