St. Gallen --> Ebernalp --> Appenzell --> St.Gallen
由 Youth Hostel 行去坐小列車再轉火車到Ebernalp。兩個巨人在路上顯現。
我地坐Appenzell列車去Ebenalp行山，再回到Appenzell小鎮。
這架列車係瑞士旅程中我最喜歡的列車，因為沿途景色實在極美。
沒有停下來地影相
個天好藍，好Enjoy!
到達Appenzell火車站
再到附近，河邊的纜車站
看張纜車票都知D人上Ebenalp做咩啦!
坐纜車上山的風景好靚，看!崖邊有三間小屋，一陣我地會行去的。
上到山，我地選咗一段最短但風景好靚的路徑來行。
其實都係沿著懸崖邊來行......
看似好危險，但冰川都行過啦，這些路點會難到我地？！
哇!好壯觀啊!
其實前面都有一些遊人一齊行的。
終於見到崖上的小屋啦!
崖上的小羊群!
這間小屋係一小農莊，入面養了豬、雞等。
頭先坐上來的纜車呀!
老公由香港帶來的「瑞士」糖終於出場啦!
這間小旅館在瑞士係好出名的，好多遊人一心上來嘆咖啡，唔知有無人上來住呢﹖
建築在崖邊的小木屋
這是山上的小天主教堂，係比以前的牧羊人做禮拜的。
以前無纜車，唔知D人點樣帶著建築材料上山建教堂及小屋呢﹖
以前無纜車，唔知D人點樣帶著建築材料上山建教堂及小屋呢﹖
又有牛鈴大合奏呀!
風景一流，不過多咗少少雲。
山下的風景也十分優美
我地坐纜車落嚟時，班火車又開走咗。算啦，在火車軌旁享受我地的午餐，又有燒雞吃呀!
回Appenzell路段的風景係我好好好鍾意的。
藍天+草地
到Appenzell了。這個小鎮的特色係D屋...
建築物的外牆都繪上屋中商舖所賣的東西的圖案，未入去就知道入面賣咩。
這條街兩旁的屋都好特別架!
這間玩具屋的外牆特別吸引!門口還放置一些肥皂泡給遊人試玩。
玩具屋的招牌﹕小心肥皂泡!
應該估到這間商舖賣甚麼啦!
間間屋的外牆都繪上圖案的。
Appenzell的教堂，前面係墓地，好peaceful。
行左好耐，帶著不捨的心情離開充滿童話的Appenzell。回到St. Gallen吃晚餐。
亂打亂撞，入到一間由香港人開的餐廳，那位老闆娘很好人，又介紹我地St. Gallen的一些景點，又教我地點去等。最後還送朱古力給我們吃添!出路偶同鄉，特別感動。(老實講，咁多日來，大部份只見日本人，一個中國人都見唔到)
由老闆娘介紹的意粉，好好味!
聽老闆娘的介紹，個天又未黑，走出St. Gallen的巿中心逛逛。
這架車...在香港未浪費了一個車位﹖咁傻架!
St. Gallen 都算係我地咁多日以來見得最多「歐陸式」建築物！
行下行下，到達 St. Gallen 的修道院，好 Peaceful，好多日坐響草地上。
修道院的教堂，好Grand，好莊嚴。
歐陸式的Coffee Shop，隨街都係，d 人好 relax，好悠閒。
好，係時候搭車返Youth Hostel，希望今晚會訓得好d啦！
你好, 我都去過ebenalp! 不過當時實在太興奮啦! (期待已久既一個景點) 所以唔記得拎張swisspass出泥買半價飛, 上到去行下行下, 先醒起點解我買左全票呢?! 哈哈哈...>.< [版主回覆09/13/2009 17:18:00]謝謝你的分享！ 其實有swisspass真係慳好多的，好多程纜車都有折扣的！ 謝謝你的瀏覽呀！多多指教！
回覆刪除你d 相好靚呵!! 好似世外桃源, 其實瑞士係唔係無咩車, 好似好小見倒汽車，我仲想自駕游，唔知方唔方便?? [版主回覆11/08/2009 08:28:00]謝謝你的讚賞！ 我地都係跟著容祖兒響現代塵世美的路線來計劃行程的！如果好天的話，用任何相機影出來的相都靚的！ 遊瑞士甚至歐洲，最好就係鐵路遊，因為鐵路有pass ticket，平好多的，最重要的係，用railway pass ticket 買其他景點的入場門票有折扣，由半價到八折不等，計下計下呢個先至慳唔少！ 講真，響瑞士揸車都算方便的，但租車同油費貴囉！ 希望資料幫到你啦！歡迎繼續交流呀！
回覆刪除無意中看到你的 blog D相好靚好靚 瑞士真係一個世外桃園 有時會想, 瑞士山坡的草地 究竟係天然抑或有人打理的? 點解全部都咁整齊咁靚呢 ^_^ [版主回覆04/13/2010 20:58:00]謝謝你的瀏覽！ 我也不知道為何瑞士的景色會那麼的迷人呀！ 草地很綠、空氣是特別清新的！
回覆刪除我都去過瑞士,不過只係去工作,如果下次可以去玩就好喇 [版主回覆04/13/2010 21:41:00]好吖！參考一下我地個blog的資料喇！希望可以幫到你呀！
回覆刪除Hello, 看了你的 blog, 行程好吸引 ! 我同你一樣都好鍾意去日本 , 已經去左 8 次 , 之後仲會再去 , 因為實在有太多地方想去 … 嚟緊會同老公九月尾去英國同瑞士 , 想問一下你用左幾多時間行 Ebernalp ?? 我地唔係行開山嘅人 , 會唔會好困難 ? 我地都會上少女峰同 Matterhorn 仲有如果用一日行晒 St. Gallen, Ebernalp, Appenzell 再回去 Zurich 住宿 , 會唔會好趕 ? 如果只去其中兩個地方 , 你會揀邊兩個 ? 謝謝 !! [版主回覆08/14/2010 14:01:00]不好意思，咁遲先至回覆，因為我地又去左trip喇！ 日本真係我地杯茶，有太多太多地方想去添！ 行Ebernalp大概用兩小時，唔太困難的，不過會有小小驚囉，因為小徑好窄！ 一日要行晒 St. Gallen, Ebernalp, Appenzell 再回去 Zurich 住宿就真係幾趕，如果俾我地揀，我地會去Ebernalp同Appenzell，因為呢兩處地方比較特色，St. Gallen其實無乜野行的。
回覆刪除綠油油既瑞士~請問幾多月去先最啱?! 如果我十月HONEYMOON去.仲有有呢D綠色太草地呢??^^ [版主回覆11/04/2011 22:36:59]去瑞士最好六至八月去，因為夏天，天都藍d、草都綠d！
回覆刪除想問下Ebernalp段路難唔難行架？ 因為我同太太去honeymoon，去行山技巧麻麻，怕太難！ [版主回覆03/02/2012 22:34:54]唔難行，不過都花時間的，但風景實在好靚，又 relax ，值得推介。
回覆刪除