暴走瑞士12天體驗之旅の第四天

Interlaken -> Zermatt -> Gornergrat -> Zermatt

我地今天要離開Interlaken了，兩晚的B&B真係好舒適，亦是整個行程中，最便宜的住宿地點。Walter老闆又nice，老公亦記著他一句口頭禪--Oh! Thank You!

每人每晚33法郎，早餐7法郎，真的好抵。

由B&B到車程的途中，經過一些民居，都令我地好羨慕。尤其有一間，花園有一個有蓋的泳池，小朋友又可以在花園搭帳幕當去Camp，真係好寫意。

屋旁總有空間種植花卉，媽咪見到種得咁靚的玫瑰，一定好開心。

我地坐黃金列車Golden Pass離開Interlaken。

沿途的湖景就是Interlaken 的 Lake，哈哈！

究竟係湖還是海﹖

到達今次旅程的另一站Zermatt。這天天陰陰，看不到Zermatt的標誌Matterhorn馬特洪峰，很可惜。

Zermatt係瑞士一個很多人到過的旅遊景點，鎮仔細細充滿著各地的旅遊人士。這個鎮的另一特色係禁止燒汽油的車行駛，所以這裏只見馬車及電動車。

電動的士，坐一程係好貴的。

這是我地今晚的旅館 Hotel Le Mazot ，不過亦是唯一一間我地要向旅遊局投訴的旅館。之後話俾大家知點解要投訴佢......

雖然裏面的設施不錯，亦是我地整個旅程的酒店中，唯一一間有浴缸的旅館。

離開酒店後，我地立刻坐登山火車到Gornergrat看冰川及健行。上山的風景亦十分美麗。

上到山，天陰陰，甚麼馬特洪峰都看不到，好慘!

只見兩隻聖班納犬等待遊人與牠們拍照。

好彩仲看到兩條冰川，十分壯觀。

冰川上蜿蜒的小河道。

外面無景看，惟有入商店逛逛。老公見到一隻好特別，藏有Matterhorn碎石的手錶，本來好想買，但比我彈隻錶帶醜樣，所以就放棄此念頭。

這兩張真是post card來的。我地原先想由火車站行落呢個湖仔影馬特洪峰的倒影，點知，真實的情況就係.....，所以老公要影張post card補數。

個情況就係咁啦!煙霧濔漫，乜都睇唔到。



我地唯有去健行囉。但不是跟這班人的方向，因為他們係去行冰川，我老公好有興趣，想同佢地一齊去...唔係麻，無心理準備下行冰川﹖

沿途見到高山氣候下、岩石邊的小野花，生命力好強，又好靚。

一路行，人唔多，天氣又唔穩定..不過這條路是地圖上最簡單、最快行完的一條步行徑(由頂站行到下一個站)，應該可以克服的。

哇!已經見唔到條路，又開始下微雨啦。最後我的便利雨衣也要出動。

天父的帶領下，終於到達另一個站頭上火車離開。

火車票上的景色，我地當然看不到啦。

回到Zermatt，到處逛逛，這是Zermatt有名的教堂。

B&B的早餐已吃完，肚仔餓，在街邊買個超貴的飽頂住先。10元法郎有成塊面咁大個的漢堡，仲幾好食添！

沿途見到好多日本人，原來日本人好鍾意來瑞士，見到Zermatt的餐廳都有日文的餐牌就知曉。

好可愛的聖班納犬公仔，一定要帶一隻返香港先得。

行行下落大雨，本來只係想返旅館吃晚餐，但又想試下書仔介紹的餐廳，都係出去食啦!

叫咗個芝士火鍋，係嚟瑞士第一餐最豪的，成港幣300幾蚊。但火鍋的配料只有麵包，我地叫兩人的份量，但後來吃唔夠3份1就停咗係到，食唔落。其實叫1人的份量已經足夠，芝士...怕怕！

回旅館的心情有些失落，看不到馬特洪峰，好似若有所失，希望明天會更好--天氣！