東京近郊七縣遊の第七天及第八天

(神奈川縣) 櫻木町 -> 鎌倉 -> 新橫濱 -> 櫻木町-> 東京羽田機場

今日是留在日本的最後一日，因為係夜機，所以盡情玩啦! 無車一身輕。在東京都附近，最好係坐JR，既快捷，又方便。

這天的第一個景點係鎌倉，行這條小町通，都有好多特別的東西買。終於係shopping 的時間啦！

經過小町通，去八幡宫，好似係日本的神社，有人會在內祈福的。

我老公話好喜歡這條長樓梯，因為好莊嚴。見到嗎，有人擔緊遮。是的當日係我地來日本唯一一日落雨，臨走先落雨，真係好感謝神呀！

又係龍貓!書仔話這間店舖所買的龍貓產品好齊個喎，但都係找不到三鷹館的貓巴士囉。

這間係我地俗稱的"雞餅店"。是鎌倉的特有手信，當然亦係我地孝敬父母大人的時候。我地先買一塊試吃，發覺真係一塊幾好吃的cookie，買囉！

我地考慮咗好耐，去不去鎌倉著名的大佛呢？最後發現與JR好近，又有巴士接駁，去鎌倉唔去這個景點，好似有點傻，去囉!點知去到影了兩張相便下大雨，即走啦。這相信是整個行程中逗留最短的景點囉。

沿途的景點都見到好多學校來這裏旅行，解散前都先要影班相，下著大雨也要照影。原來日本學生去旅行，與香港唔同，同學係要著整齊校服，身上也帶著名牌的。而老師還要著西裝添，真係好特別！

我地選擇行路回JR，真感恩，沿途經過一間書仔有介紹的面油紙店，我原先諗住去不到，點知在無心插柳情況下去到，當然要搜購一番。這些面油紙很特別的，吸油能力真的好強，而且包裝精美，雖然貴咗D，但好值得買架。

途經一火車路軌，路軌旁有很多民居，不怕受噪音干擾嗎﹖雖然落著雨，但我地兩公婆好享受這段回JR的路程，可能幾日來都揸車，好少行。行下，去感受日本的街道、民風，又真係幾好架。

由鐮倉返回橫濱了，這是新橫濱拉麵博物館，內裏有好多間來自日本不同縣巿的著名拉麵店，都幾有特色的。

世界第一包即食麵的樣本。



仲有合味道的紀念品。

博物館內有一間懷舊零食店，我老公好鐘意呢間野，狂影相。

店內有懷舊的裝修，店職員還著住幾十年前的服裝。賣的都係一D以前的零食。

這是不二家、牛奶妹的舊造型logo，真的好舊囉。

這是好耐之前的日本汽水，現在在這裏復活了。我老公當然不會放過它，即買即開來飲，我試過幾啖，又幾好飲喎!鍾意儲野的老公，當然將個樽存好帶返香港收藏。

場內有很多間拉麵鋪。

我地選擇了這間拉麵店吃拉麵 --- 龍上海。點解﹖因為越多人排隊即越好食，最多人排就係呢間。



D麵真係好有彈性，好有質感，但就油膩咗少少。總體來講，都幾好食。想買返香港煮，但係要冷藏，最後放棄咗。

這拉麵係我地食過最粗、湯底最濃的一碗，超級好食！回味無窮！值得推介！

最後，返回櫻木町玩這個摩天輪(即酒店見到嗰個)，仲擔心下雨不會開添。呢個摩天輪係全日本最大的計時摩天輪，但最特別係60卡中有兩卡的車廂係透明，之前在沖繩看電視介紹過的，我地等都要等坐這卡啦。最後因為人少，等咗約半個鐘就等到，真感恩。

哇，成個車廂係透明的，包括個底及張凳。

上到最高又不是太驚喎。若果人不是太多，可以試下啊！

因為想早些去機場(其實都係一個鐘之前)，所以行多一個多鐘頭的商場便回去東京羽田機場了。我地乘搭晚上20:45的航班，於零晨00:45回港！