日本九州特色之旅の第三天

豪斯登堡

尋晚浸完溫泉立即訓覺，好好訓，今朝起身好鬼精神！正！

酒店窗外的景色，好平和，好舒服，又正！

今日得一個行程，就係 --- 豪斯登堡！其實我同老婆都唔多鍾意去豪斯登堡，因為我地寧願去歐洲體驗囉！

一入豪斯登堡，必定要搭遊船，沿河睇到的景色好靚的！隻船都幾靚！

沿河邊的景色好靚，有風車同堡壘啦 ......

有河邊的城堡啦 ......

又有三組風車啦 ......

又有河景同橋景啦 ...... 仲有天鵝添！

呢個就係我地將會去的觀景塔，好高的！

遊完船河，就要玩裡面的設施喇！有IFX三菱未來館，好好玩的！我同老婆2005年去名古屋世界博覽會時，都有機會玩呢個IFX三菱未來館，但因為排太耐隊，最後都無玩到！今次終於有機會玩下喇！

入去排左一陣，我地先要響部好似「屎塔」的相機前，影低我地的容貌；部相機最特別之處，係佢會影我地立體的面容！好先進的！

好，影完之後，傻更更入去一個電影館，等睇戲！唔知有d乜睇呢？！
電影係賣科技，主題係環保，電影開始播放時，響Intro的人物介紹中，竟然見到幾個類似我、我老婆、Daddy同Mammy樣貌的角色，原來頭先影左我地相，係將我地個樣Key入電影的不同角色中，好勁！全場有20觀眾，電影裡的角色就由我地20名觀眾「扮演」，真係好先進！

 雖然電影係講日文，我地都唔知佢講d乜，但當我地的角色出現時，我地都勁笑，最搞笑的係，電影中好清楚見到我地Mammy，因為好容易就認到佢 --- 粒墨！而我響電影中的角色，竟然係 --- 第一男主角！勁！

IFX三菱未來館超好玩，影片唔長，約10分鐘，但科技先進，主要帶出愛護地球的訊息，正！

玩完IFX三菱未來館之後，我地對其他展館無乜興趣，是但行、求其逛啦！

去到碼頭，當然要同Daddy逛下睇下啦！

呢隻船好靚、好大隻的！

其實，如果呢處真係歐洲的話，我估我同老婆會開心d，不過豪斯登堡都幾寧靜同舒服，唔錯啦！

好，上觀景塔睇下先！我地上到去，只講一個字 --- 「嘩！」真係好靚！我地覺得由高空望落去真係靚好多、Grand好多！

好喇！玩左成日，有d累！返酒店休息一陣！其實我仲想夜晚出去睇放煙花，但我老婆話好累，所以我地打消左念頭。食飽晚飯後，食之前Order的大餐 --- 北海道長腳蟹！睇下幾大隻！四人份量，食到個個捧住個肚，勁飽！

飲飽食醉，今晚實好好訓！