日本九州特色之旅の第二天

櫻島火山 -> 神風特攻隊航空資料館 -> 鵜戶神宮 -> 鬼之洗板 -> 宮崎

今早約七點半起床，見到窗外的風景都幾靚，影影先！

食過早餐，出發！車程約15分鐘後，先到位於九州南部的櫻島火山。櫻島火山係鹿兒島的象徵，因為佢係世界上不多見的活火山。我地去到，仲見到個山頂有白煙噴出，勁！

其實有好多人參觀櫻島火山，呢個角度影的火山，加上咁靚的天色襯托下，顯得櫻島火山特別靚！

其實櫻島本來係個孤島，1914 年大爆發時，與大隅半島的陸地連接起來。

睇完火山，我地見到一個好特別的地方，我老婆又話要影相喇！樣樣野都想到同教材有關，我老婆真係好Pro！超抵讚！

呢個係火山爆發時，被人逃難的「退避壕」，難得一見！睇下後面的櫻島火山，真係要小心小心！唔知佢幾時再爆發喇！

睇完櫻島火山，我地去第二景點 --- 神風特攻隊航空資料館。館中記載左好多關於第二次世界大戰的資料，我同老婆都唔太有心機聽，只係顧住影相！哈哈！

我地覺得呢架機好型，但唔知係咪真係上過戰場呢！

呢塊牌係記錄當年神風特攻隊的隊員名單，好多好多人為國家「壯烈犠牲」！值得嗎？但願不再有戰爭！

控制室內的情況。我同老婆都唔想逗留太耐，因為「感覺不好」！

資料館旁有好多日本海上自衛隊的飛機展覽，影下相先！

好，去完資料館，食午飯！我地今日食「燒」，起初我老婆唔太鍾意，因為只得豚肉，唔太大期望。點知d豚肉好好味，我同老婆勁添飯，Daddy Mammy勁笑！哈哈！

好，食飽飽，去下一景點 --- 日本三大神宮之一 --- 鵜戶神宮。

響門口附近，有張「日向神話關連係圖」，相傳海底龍王個女同天神結婚，但當海底龍王個女有左BB後，不幸被天神發現佢原來係條鯊魚，海底龍王個女知道件事俾天神知道就大件事，於是切左自己的兩個乳房放響可洞的牆上，叫天神好好養大個仔，自己就番海底繼續生活。

所以石洞內可以見到兩舊岩石 (稱為「乳頭石」)，仲有一隻神龜(都係岩石來的，話說當年有份湊大個BB)，後來D人想生仔的話，就會來鵜戶神宮買「生仔糖」食，仲有去摸下塊「乳頭石」就得！

前往鵜戶神宮時，經過一個鳥居，十分浪漫的感覺，當然要影一影相先啦！

鵜戶神宮位於太平洋岸邊的大洞窟內，先睇睇太平洋的景色，靚靚！

呢塊石頭就係相傳的神龜，當地人會將錢幣拋向石頭，如果錢幣停在可頭上，尤其在石頭上麻繩範圍內，就會有仔生喇！我同老婆都拋過，都唔中的，係咪生唔到仔先？！咁未生個女囉！

鵜戶神宮內有好多人祈福，其中裡面最出名的乳頭石，因為太黑，無影到！

好，離開鵜戶神宮，去日南海岸的「鬼之洗板」。「鬼之洗板」係一大群岩石，連綿不斷向海中伸展，好奇特的地貌。我梗係要幫老婆影多兩張相做教材啦！

落到「鬼之洗板」，睇到近貌，我老婆話好似香港的東平洲，好得意呀！

好，睇完「鬼之洗板」，準備上車要經過一段梯級，我特登影下呢幅相，都幾有美感的！哈哈！

今晚要去宮崎，住宮崎觀光溫泉酒店，好野，又有溫泉浸，Yeah！路程中見到日落，日出就影得多d，今次影下日落先！

今晚好開心，因為我地去左吉之島買個蛋糕，同Mammy慶祝生日，Happy birthday to Mammy！