小MiuMo遊世界: 12月 2007

吃喝玩樂遊曼谷の第一天及第二天

SuperRich 兌換店 -> Central World 、Zen -> Big C 超級市場 ->

The Platinum Fashion Mall -> HealthLand Spa -> Siam Paragon

自從2006年8月第一次去泰國曼谷，立即被曼谷吸引，2006年12月聖誕節急不及待要去多一次！今年聖誕節，又好懷念去曼谷relax的日子，於是我同老婆又計劃第三次去曼谷旅行喇！

有d朋友問我地，去咁多次曼谷，不如去下泰國其他地方啦！但唔知係我地懶，定係我地太鍾意曼谷，我地試過搵其他泰國的地方，但最後都係選擇曼谷！哈哈！

好，我地選擇12月26日晚出發，機票包稅每位 $2125 ，另外book多兩晚酒店每位$680 ，都唔平的！旺季，無辦法啦！

我地坐阿聯酋EK385，香港飛26日22:25，到達曼谷大約27日00:05，我地一落機，響機場兌左少少泰銖頂住先 (個rate: 4.21)，就嗱嗱聲搭的士番apartment訓覺！

遲d先介紹我地「御用」的apartment。

今朝我地上午八點半左右已經起左身，除左要早d出發活動，最重要的係因為apartment提供的早餐至上午十點完畢，所以就要食左早餐先至出發。

食飽，出發！我地apartment響 BTS Saladaeng 站同 MTR Silom站中間，都好方便的，行過去5-6分鐘左右啦！好，先去我地的第一站 --- Chitlom 的 SuperRich 兌換店，換泰銖！好多香港人都去 SuperRich 兌換，因為真係兌高少少的(個rate: 4.32)！

好，入滿彈藥，出發掃貨！先去Central World 同 Zen 行下商場，見到d袋幾得意呀！我老婆就急不及待去左 NaRaYa 專門店買袋喇！

今次好relax咁行 Central World，見到有好多間裝修別緻的服裝店，靚得好緊要！我影左幾間，香港d店舖真係要學下啦！

吃喝玩樂遊曼谷の第三天

Asok -> Central World -> Let's Relax Spa ->

魚昌日式料理 -> Suan Lum Night Bazaar

尋晚十分好訓，今早八點半左右起身，精神哂！

點解到依家先介紹 Apartment 呢？！因為今朝要左影幾張相，先至可以介紹得呀！

間 Apartment 叫 Urban House ，係一個響美國留過學的泰國女仔開的！全屋得五間房，好難 Book 的！點解？睇下我地住間 Suite 有幾正先啦！六尺大床、梳妝台．．．

兩個大衣櫃，超大！

仲有仲有，有個廳同廚房仔！一應俱全！價錢呢？$1320銖一晚，即係港幣$300左右！係咪超超超抵先！

吃喝玩樂遊曼谷の第四天

Chatuchak (J. J. Market ) -> MBK Center -> Chitlom

今朝十分精神，因為尋日有去做 Massage 外，仲有係尋晚真係訓得好！張床好舒服！
今日唔會太早起身，想 relax d呀！起身食左d野，就出發去今日的重點 --- Chatuchak ，即係 J. J. Market 。

要去 Chatuchak ，我地會搭地鐵去 Kamphaeng Phet ，因為出口就響 Chatuchak 旁邊，近好多！

我地上午十一點到達 J.J.，響 J. J. 行左四、五個幾鐘，但係我地唔係買左好多野，因為老婆話要買「精品」，佢只係買左兩件衫、一個非洲鼓、一個木製鐘、同一件Tee，比之前狂買的少好多！我地最鍾意響 J. J. 食泰式河粉，食左兩餐添呀！

行到下午四點左右，我同老婆覺得實在太累，於是我地又去多一次 HealthLand Spa 做 Massage ，嘩！今次仲 relax 呀！個技師d手勢真係令人 ...... 回味無窮！

做完 Massage ，我地決定去 MBK Center 行商場。其實今日都行左好多路，所以都係去上次我老婆買鞋我地方，搵下有無收穫。好彩都買到一對靚鞋啫！

響 MBK 地下的一習，見到一間畫室，睇住d畫師專注繪畫，其實都畫得幾靚！