東京近郊七縣遊の前言

已遊日本很多次，每次都好想同大家分享日本自由人的經驗，但寫blog真係好浪費時間，所以講咗好耐，都冇寫．．．

直至今次的東京近郊遊，我老公話實在太多好感恩的事情要同大家分享，所以用埋剩餘的二天假期，快快手寫好這些的遊歷，讓大家看完後，流下羨慕的口水．．．

我計劃去旅行，通常是預早半年至四個月的，因為有些酒店真的好full....所以暑假的著落---瑞士，我已一早book晒酒店了 。

東京近郊七縣遊の第一天

羽田機場 -> (神奈川縣) 箱根小通園 -> 大涌谷 -> 小王子博物館 -> (靜岡縣) 伊東市

坐零晨機，真的不好受....但已習慣了坐ANA到羽田機場，所以都唔選擇其他航空公司。講起坐飛機，今次真的又一次經歷神。我哋係坐零晨00:45航班，唔知點解我同老公都傻咗，竟然坐晚上11點幾班巴士由藍田出發，坐到半路已是11點半，我先發覺我地係坐零晨00:45分班機，點解咁遲先去機場。

當我地醒咗後，第一時間衝落車，坐的士，好彩這位的士司機好好人，幫我哋以最快速度趕去機場，我哋一路祈禱希望唔好有意外之餘，亦順利趕到班機....最後 神要我哋依靠佢，唔好靠自己的經驗及智慧(以我哋有21次的旅遊經驗，都可以有咁樣的錯誤)，否則連飛機都坐唔到。

飛機於05:45到達羽田機場，在機場等到8點便去mazda counter 攞車，起步前老公話一定要影番張咪錶，記錄今次的旅程行咗幾多公里喎．．．



有車坐，又咁早，緊係去遠D，神奈川縣箱根小通園係我哋今次旅程第一個目的地，坐零晨機冇覺好瞓，浸下溫泉，等自己精神下。

東京近郊七縣遊の第二天

(靜岡縣) 伊豆城崎海岸 -> Teddy Bear Museum ->

御殿場 Outlet-> (山梨縣) 富士山河口湖

伊東樂寛的第二天早晨，老公五點半起床，影日出..

是的，這間酒店是面向東，看日出一流。雖然這不是第一次看日出，但這次的日出，老公話係最靚，沒有雲及煙霞，又一次藉得感恩的事情。

東京近郊七縣遊の第三天

(山梨縣) 富士山 -> 集古村 -> 河口湖 -> (長野縣) 松本城 -> (岐阜縣) 高山市

老公又係五點半起床，要影日出時的富士山景喎。其實諗番起，昨日來到酒店的時候，酒店經理話我地lucky喎，天氣十分好，可以清楚看到富士山，原來昨日天氣仲係麻麻地...聽網友講，有富士山景也未必看到它，又一次 神給我們的恩典。

東京近郊七縣遊の第四天

(岐阜縣) 高山古街 -> 高山朝巿 -> 高山陣屋 -> 飛驒之里 ->

白川鄉 -> 民家園 -> 荻町展望台

在桑谷屋的一晚很早睡，為了今天一清早到高山古街拍照及到高山朝巿吃早餐。以下是高山古街早上6:30的情境，很難得沒有人，到晏些，這裏便人頭湧湧......

東京近郊七縣遊の第五天

(岐阜縣) 白川鄉 -> 水明館佳留萱山莊 平湯溫泉 ->

(長野縣) 伊那巿士多啤梨園 -> 高遠城跡 -> (山梨縣)甲府市

又一早起床，趁沒有人時到白川鄉的靚景影相，哇真的人跡罕見。

一早的白川鄉沒有旅行團，村民也忙於準備早飯，所以顯得特別寧靜，湧現農村的氣息。

東京近郊七縣遊の第六天

(山梨縣) 甲府市 -> (埼玉縣) 川越市 ->

(東京都) 三鷹館 -> 下北沢 -> (神奈川縣) 橫濱市

甲府只是我們的中途站，因為這裏有我地最愛的酒店，東橫INN。有家的感覺，所以睡得很好呢!

之後又出發到埼玉縣川越市了。原先想去秩父看芝櫻，但車程實在太遠，今日又要準時還車，所以秩父，下次再見。

川越是我今次旅程的一個很想去的景點，因為又有江戶時代的建築。但去完高山後，再去，覺得較遜色了，老公話咁多個行程，最冇特別的是川越喎...。可能人多車多，又難泊車，泊車又貴....始終都係返左去東京都附近....



川越的古舊建築物

我最愛的舊式糖果店，有時光到流的感覺，眼鏡型朱古力豆呀...

東京近郊七縣遊の第七天及第八天

(神奈川縣) 櫻木町 -> 鎌倉 -> 新橫濱 -> 櫻木町-> 東京羽田機場

今日是留在日本的最後一日，因為係夜機，所以盡情玩啦! 無車一身輕。在東京都附近，最好係坐JR，既快捷，又方便。

這天的第一個景點係鎌倉，行這條小町通，都有好多特別的東西買。終於係shopping 的時間啦！

經過小町通，去八幡宫，好似係日本的神社，有人會在內祈福的。

東京近郊七縣遊の後記

後記：


今次雖然唔係我地兩個第一次日本自由行，但是今次短短的7天行程，我地覺得是從上帝中賺回來的。

試想想，Miss了登機的時間有多大問題？

試想想，在富士山看到的景色有多"Lucky"？

試想想，有太多行程是「臨時加插」的景點，伊豆高原、平湯溫泉、高遠城跡......若是錯過了，肯定會令這行程失色！

駕車跨越七個縣，包括神奈川縣、靜岡縣、山梨縣、長野縣、岐阜縣、埼玉縣，最後是東京都；第一次看見美麗而神秘的富士山、從山頂看了早、午、晚三次白川鄉的不同景緻、浸了大大小小約10次的溫泉、高遠城跡中漫天櫻花的震撼場景、在歷史悠久的合掌屋體驗及留宿.....這一切一切都令我地覺得感恩！！！