日本沖繩自駕遊の第五天

名護市 - > 屋我地島 - > 古宇利島 - > 名護城公園 - > 殘波岬 - >

製作海鹽體驗 - > Aquagrace Chapel 教堂

第五天大約上午十時出發，今天的行程都比較多，好，努力！

由於酒店不包早餐，我地要駕車到Jusco，買d麵包同壽司上車食！

駕車約十五分鐘，到達今日行程的第一站 --- 屋我地島。個名好特別，仲好靚，我地見今日十分好天氣，被海天一色的環境吸引。

在屋我地島行左一陣，睇到個內海十分水清沙幼，令人心曠神怡！

泊車的位置，由兩排唔同顏色的樹組成，左面是綠色，右邊是紅色，路中有紅色的落葉，十分浪漫！

由屋我地島去下一行程 --- 古宇利島，大約只需十分鐘車程。前往古宇利島要經過古宇利大橋，是日本最長的不收費普通橋。睇下橋的坡度十分斜，駕車駛過時好似飛車上天咁！

到達古宇利島，看到古宇利大橋的全景，十分宏偉！

雖然唔知呢個小島叫乜名，但我地覺得佢好似我地兩隻小狗坐低的形態，我地就叫佢做MiuMo島啦！

響古宇利島行行沙灘、吹吹海風，好Relax，好舒服！之後我地想去下一景點：名護城公園。

沖繩係全日本最早開櫻花的地方，每年約一月底至二月中開花，媽媽好鍾意花，家姐又未響日本睇過櫻花，好，出發！

駕車去到名護城公園附近，尋找好耐，仍然搵唔到櫻花盛開的地方，只見到呢條有櫻花標誌的吊橋，都幾靚！

找了約二十分鐘，正當想放棄之際，我地見到一個路牌，寫上櫻花位置在下面的出口，好！

駕車往下路走！找到泊車的位置，見爸爸有d肚餓，先到呢間小食店食午飯先！

呢餐就係我地的午餐，都幾豐富！

響小食店旁邊，見到一條好長的樓梯，兩邊種滿櫻花樹！家姐見到十分興奮，狂影相！我老公都「不甘示弱」！

沿途睇到的櫻花十分靚，加上個天咁藍，影出來的相片一定靚！

我地全家都好鍾意呢處，因為d櫻花同條樓梯好夾好靚，最重要係當日遊客唔多，影景一流！

經過約一小時，我地要離開名護城公園。大家都有d唔捨得添！

駕車一小時後，到達今晚住的酒店 --- 沖繩殘波岬酒店。去到酒店附近，已覺天色變暗，想落雨！我地都好感恩，因為剛才影櫻花時都天晴！

Check-In及放底行李後，我地再去殘波岬。在眼前的有殘波岬燈塔，我地一家人決定行上燈塔，居高臨下欣賞殘波岬的景色。

上到燈塔，見到的係一片斷崖，十分壯觀！突然落了一場雨，我地急忙返燈塔內躲避。兩分鐘後見停雨，我地再出來欣賞風景。雨後出現太陽，我地好Surprise尖叫，因為見到彩虹！

好景不常，轉眼又想落雨，快快到下一景點！

我地去左一間叫Gala青海的店舖製海鹽，呢d當然係媽媽、家姐同我三個人去體驗啦！先在容器中裝半碗濃海水，再用碳爐火加熱，用筷子攪拌。

約十分鐘後，待水份蒸發，開始有一粒粒鹽出現！再過十分鐘左右，水份完全蒸發，有更多鹽粒出現！

然後將所有的鹽粒放在容器內，自家制粗鹽就完成了！

我老公話，其實唔駛做得咁辛苦，現成買一包仲方便快捷！

體驗完畢，返酒店之際，忽然見到酒店旁的Aquagrace Chapel小教堂正舉行婚禮，一對日本新人正步行出教堂！

響沖繩行婚禮真浪漫！簡簡單單的儀式、向海的教堂、親友的祝福..... 十分浪漫！

好，終於回到酒店，幸好天氣未算太壞！影影酒店外的景色先！

響酒店店舖見到大大隻Hello Kitty公仔，又影！

今晚食Buffet，早d休息，準備明早行程！