日本沖繩自駕遊の第二天

知念 -> 玉泉洞 -> 奧武島 -> 平和祈念公園 -> 造玻璃杯體驗 ->

喜屋武岬 -> 美浜美國村 -> 恩納海岸

酒店的特色，又係睇日出囉。

我book這間酒店的原因，係因為有間家庭房，有180度的全海景，向東，望日出的。我老爸鍾意海，我老公鍾意日出景，一舉兩得。但這天的日出由於有較多的雲霧，所以未能看著個鹹蛋黃由海平面升上來，有點失望.....我唯有安慰老公，看日出，仲有大把機會呢！

這是酒店的早餐，簡簡單單，又會吃得好飽的。望著個無敵大海洋吃，仲唔飽！

見到酒店外的景色，爸爸急不及待的要走落去看看，但其實係要揸車先落到去。所以我哋都快快吃完早餐，前往這天的第一個景點--酒店下的沙灘。

自由人的好處﹕想去邊就去邊。阿爸話要去，未有計劃的都去咗先啦。但其實這個景點的確靚囉!個沙灘水清沙幼，人又少，望落去，真的好似一個人工泳池。環境相當優美。





爸爸當然不會放過沙灘旁的小碼頭，要參觀下日本人的船。

要跟導遊小姐---我---去第一個景點啦!就係玉泉洞。這是玉泉洞的入口。

其實玉泉洞係一個鐘乳石洞。同大陸的鐘乳石洞唔同，沒有太多的人工"添加"的「民間故事」及「雕塑」。大部份都是大自然的結晶品，最多加些燈飾點綴。唔講真係唔信，我地總共用咗接近45分鐘才行完這個石洞，面積之大真的預計不到。

之後為了搵食，又加插了一個景點--奧武島。諗住係這個島食海鮮，可能唔係旺季，好多餐廳都無開，最後找了一間吃定食的餐廳開餐。都幾好食架。

加插了這個景點，最開心的又係爸爸囉。因為大量的日本漁船等著佢去睇...

看，相片中的海其實係類似香港的避風塘或內海，但水質如此清澈，藍得咁靚的內海，真係難得一見。

掛上彩色斑斕的旗幟，日本的漁船都真係別具特色。爸爸不斷研究這些漁船的設計、裝置，看看會否偷到日本人的師，應用在他自己的船中，目的又係方便釣最多、最大的魚囉。

去完奧武島參觀漁船後，我地就驅車前往記念二次世界大戰日本陣亡軍人的平和祈念公園。若仔細看看公園的地圖，就知道這個公園放了一些陣亡軍人的記念碑及骨灰。當中也有展覽館，展出當時的沖繩戰役的情況。

這個水池的水是不停地滿溢出來的，意思可能是以水澆奠每位陣亡的軍人。而水池後的石碑刻上每位陣亡軍人的名字。

沖繩是二次世界大戰其中一個較激烈的戰場，所以沖繩好多的崖邊，都有戰爭的痕跡，這是最近平和公園的其中一崖邊戰場。

離開平和公園後，便去體驗造玻璃杯。

做手工，當然係女士較熱心啦。媽媽、家姐和我都去體驗造玻璃。其實話體驗，都只係做兩個較簡單的工序，就係吹玻璃和為玻璃做型。工序雖然簡單，但起碼都叫試造過玻璃，有機會的都不要錯過去體驗啊！

小momo為玻璃造型。我哋的玻璃結晶品要到回香港前的一日才可以取回。

之後去一個較偏僻的景點，旅行團較難去的(因旅遊巴較難到達)，就係喜屋武岬。這個地方亦是二次世界大戰激戰場地。相中的平和之塔是記念當時不願被俘虜而跳崖自殺的日本人。

這個懸崖便是喜屋武岬，景色十分壯麗，永遠都想不到這裏曾經有很多人跳崖犧牲呢！

又係去醫肚的時間。我們駕車從沖繩南部上美浜美國村。

來到日本，當然想讓爸媽及家姐一嚐日本回轉壽司的滋味。這間就近美國村的壽司店是網友的推介，當然要試試啦。

只有沖繩才有的海葡萄壽司，一定Order!雖然爸媽家姐都滿意這間壽司店，但以我和老公去日本的經驗，最好吃、又最抵的壽司，當然係東京啦。

來到美國村，一定要踏上這摩天輪。一架車只可載四人，就比機會爸媽享受下二人世界。點知返落地時，阿爸話媽媽原來係畏高，所以全程媽咪都好驚，一D都唔enjoy玩呢個摩天輪囉。

返在恩納海岸的酒店!這間酒店又有另一特色的....