日本沖繩自駕遊の第四天

本部港 -> 沖繩水族館 -> 今歸仁城跡 -> 名護市

這就是我們住的酒店--The Beach Lue。長廊的中間位係餐廳，直去盡頭有幾間房，都是面向沙灘。若果在夏天來，這算是一個渡假的好地方。

之後我地去沖繩水族館。是世界最大型的水族館。這也是今個旅程的重點，讓爸爸在沒有時間限制下，盡情欣賞魚魚。(所以今日的行程預計只有2個景點而已。)

最精彩的當然係好似在戲院屏幕前欣賞水族館中的巨無霸---大鯨鯊。這個亦是此水族館的焦點--黑潮之海。爸爸不斷話真係好厲害。

這條魚好熟口面咁喎!就係我哋已經食左好多次的大石斑。無聽錯，爸爸已不下釣了好多次類似咁大的石斑，但最好吃的始終係就黎絕跡的海紅斑。

我哋參加了一個好特別的活動，就係跟水族館職員到黑潮之海的頂部參觀。同行約有二十人，除了我哋外，全都是日本人，所以職員只用日文介紹，我哋就齋參觀。從高處望下鯨鯊，感覺都幾特別。



其實整個參觀也包括介紹各種魚類的培育，但因為聽唔明，錯過了職員的介紹。這又一次讓我有衝動去學日文。

這是連爸爸也未見過的海牛。即係俗稱美人魚前身的海洋動物。牠們是吃紅蘿蔔的。游得都好快架。

水族館也有似海洋公園般有海豚、小鯨魚及海獅的表演。這條小鯨魚伸脷的表演是海洋公園沒有的。唔知點解日本的海洋表演，經常教海物生物伸脷的。

這條海豚係呢個水族館的其中一個明星，好多人慕名而來探牠的。牠叫Fuji。在來沖繩的前幾日先至係電視節目見過佢，佢是一條具有生命力的海豚，因為牠的尾部是義肢來的。

我一早已知道牠是生活在這個水族館裏，所以不斷用英文、手語來問職員牠的位置，最後終於找到牠了。

這是介紹牠尾部患病的經過，要做手術將尾部切除。一條沒有尾部的海豚，就像一隻沒有翼的雀仔呢。

最後水族館人員為牠製造義肢，義肢經改良後，牠可以如常的游動。雖然牠只是條海豚，但牠的生命力比好多的人強呢!這正是吸引我去渴望探佢的原因。

另外讓我好感動的係牠真的好有人性。我哋看完表演後，再帶爸、媽、家姐去探牠，點知牠和另一隻海豚只游在池的另一端，在池上觀看牠的人不斷引牠，牠都沒有游近我們，我哋諗池的另一邊係未有野食﹖或者佢不想被人打擾？原來唔係...

水池的另一邊有一個較低的圓型窗，牠和牠的老友知道有好多人來探佢哋，所以特登游到這窗前徘徊，讓人近距離見到佢，我好感動，又覺得佢真係好乖。如果唔係同爸媽一齊旅行，我一定花更多的時間陪佢，我老公應該無問題的......

帶著不拾得Fuji的心情去下一個景點--今歸仁城跡。這個城跡是一個古城遺跡，但對我來講最重要係可以在這裏欣賞到日本最早開的櫻花。

我們在這個遺址逗留很短的時間，因為落雨....，在落大雨之前影了幾張有綠有粉紅的相，不錯。

沿途想去一個買苦瓜茶的地方。搵左好耐，只見一個類似苦瓜的公仔，應該係呢到呱。入到去，沒有人，我哋快快手咁買了幾包苦瓜茶便當來咗呢過景點了。

之後我地駕車返名護Super酒店。途中下大雨，車上的GPS又沒有顯示這間酒店的位置。唯有出動我精明的智慧--看地圖搵。爸爸一早落order，話想去日本的釣魚工具舖參觀，點知搵路返酒店途中，被老爸發現一間釣魚工具舖，就算係落大雨，都要入去參觀下啦。最後貴、貴、都係貴，爸爸只買了小量的魚鈎，然後話返大陸買仲好.....

這天正是媽咪大人的生日，真係好想搵間好野同媽咪慶祝，點知名護這個小巿鎮，只係有間Jusco，唯有係裏面搵好野食。之後又想買個生日蛋糕，冇理由咁大間Jusco冇蛋糕買，點知真係冇.......最後簡簡單單，就咁同媽咪慶祝左...

Super酒店都幾似東橫 Inn 咁，我就覺得會幾好訓，今晚早d訓先！