那霸市 -> 那霸空港站
今天是整個行程中最Relax的，因為不需特別早起床，亦沒有特別的景點，只是在那霸市附近隨意參觀！
今天亦是我老公影得最少相的一天，因為今天主要以Shopping為主！佢比較失望！
酒店附近有兩個較大型的商場，Daddy同媽媽最喜歡逛超級市場，家姐、老公與我就隨意逛，看看衫及飾物。在商場看見一張Poster，呼籲人自備購物袋，叫老公影下作教材！
來到我老公最鍾意的 Toys R Us ，此行是為了一個目的 --- 尋找日本版的大富翁。我老公都鍾意儲大富翁，去不同國家旅行都會買當地的大富翁作紀念，現在都儲了幾套不同地方的大富翁！
玩具反斗城中有一些得意的日本結婚公仔，有不同的造型，我老公一定唔客氣，影！
有不同卡通人物的結婚公仔造型！十分可愛！
我同老公最鍾意呢對，因為好特別，最重要係主角唔係 Mickey Mouse 同 Hello Kitty，因為佢地太「濫」了！
行行下見到久違了的面孔 --- 小雙俠，家姐同我老公見到佢開心到不得了，因為細細個就睇小雙俠，但市面沒有太多有關佢地的精品，原來因為日本最近又重播小雙俠，所以有小雙俠精品賣囉！
離開Toys R Us ，隔鄰就係Babies R Us ，專賣Baby玩具同用品，入去行一陣先！
肚餓了，我地隨意在商場找了一間壽司店，吃了豐富的一餐，價錢亦很便宜，約三千五百円！超抵！吃飯後逛多一會，回酒店取行李，然後乘電車到機場了！
昨天曾話，沖繩的單軌電車擁有兩個全日本記錄！第一個已經揭曉，第二個就今天開估，好！出發去最後一個景點！就係全日本最西端的車站 --- 那霸空港站。我地要搭下午16:55的UO657離開沖繩了，當然要在那霸空港站落車啦！好，影張相，留作紀念！
離開沖繩了！今次係Daddy、媽媽、家姐、老公和我，一家人在日本的自由行，感受很深，因為當中由計劃行程、訂機票同酒店、Book車等，都有很多事情要考慮及兼顧，壓力也不少，但見到一家人齊齊整整、開開心心去旅行，每個人都玩得好開心、好Relax，大家在旅程中一同經歷、一同分享，我終於放下心頭大石，同老公一齊Enjoy個Trip！
呢幅相係響飛機上影的，響飛機上睇日落，十分迷人！我覺得影得好靚！
極期待下一次一家人去旅行，我地已經決定，下年農曆新年要去東北喇！
Thanks for sharing！好正啊！ 我要參考下你地個行程至得！ [版主回覆05/15/2009 19:03:00]謝謝你的讚賞及意見！ 有機會再Share多d旅行的點滴！
回覆刪除阿妹旅行團之沖繩七日遊真的很成功 謝謝您倆的完善安排及付出，並容忍我這個貪睡的團友 [版主回覆05/16/2009 22:32:00]阿妹旅行團將會在農曆新年開辦東北賞雪溫泉團，相信會給你一個更大的驚喜。有意參加，要預留時間及金錢啊!
回覆刪除GOOD PLAN 有時間請到我BLOG 參觀 [版主回覆06/21/2009 06:43:00]謝謝你的瀏覽，有機會再交流的
回覆刪除你好呀! 我同老公打算9月去沖繩, 正開始上網找資料plan行程, 看過不少別人的blog, 但對你的遊記卻留下了特別深刻的印象, 寫得很好啊~ 行程, 景點以至住的酒店都頗特別, 不像大多數人都較千篇一律. 我們都是打算自駕遊, 你的遊記真的給了我們很好的參考! 想問一下, 你們幫襯的哪一家租車公司的呢? 另外, 看到你參觀的教堂都很靚很吸引, 是你出發前搵定資料的, 還是沿途靚教堂都隨處可見, 不用特別找? 每家教堂都是開放式, 可以隨便入內參觀的嗎? 不好意思, 很多問題, 先謝了~ [版主回覆07/26/2009 23:55:00]先謝謝你的讚賞!在租車方面，我地第一次在日本租車，係去北海道，是在J-net租車，車新、GPS可靠。但J-net沒有在沖繩開店，最後我地選租日產的車，因為較平宜，而且也不錯。但千奇唔好貪平，租mazda，好差，車及GPS都好舊，靠唔住。 至於參觀的教堂都係在旅遊書及背包客棧找的，沿途路經便花少少時間參觀。若教堂沒有婚禮要準備舉行，一般都會打開門讓你參觀。我地都係用些很差的手語及小小的英文和教堂的職員溝通，她們很nice的。 再有問題可留言。
回覆刪除Hi, 你寫得好詳細呀！我會參考緊你個 itin 我 18/11出發，好彩 booked Nissan 車。請問 D景點門票都唔平，你地有冇 discount 呀？ [版主回覆11/01/2009 17:28:00]Nissan車幾好的，又平過本田同豐田車！ 門票呢，你可以去 「道之站 --- 許田市場」，門票平幾百円的！網址是 http://www.rakuten.co.jp/yanbaru/
回覆刪除Have fun in the North East of Japan! I recommend Matsushima! [版主回覆11/20/2009 21:11:00]謝謝你的瀏覽！我地下一站都想去東北呀！
回覆刪除你講得o岩呀...我都係想睇櫻花呀...我都未睇過...hehe..水上活動我唔o岩呢...聽完你既意見之後...我決定去沖繩啦...希望天氣會好...唔好下雨呀...哈哈...再次多謝你既分享^^ [版主回覆01/28/2010 19:50:00]唔駛客氣啦！期待你的分享呀！
回覆刪除寫得好好, 好詳細呀~ 本來我想帶老媽去北海道, 但因為貴及北海道太大, 冇可能玩得晒.......睇完你沖繩之旅,,,,,,,就好想好想去玩了. 請問如果唔揸車玩沖繩, 可以嗎?? (其實我有車牌, 但冇揸車乜滯) 2個人預洗費幾多呢.?? (唔包買手信) 唔該晒你呀~ 呀~ ! 仲有, 請問機票貴嗎?? [版主回覆02/23/2010 16:49:00]謝謝你的瀏覽及鼓勵呀！ 去沖繩的好處就係地方細，景點容易去；唔好處就係因為係小島，天氣容易不穩定，常下雨。唔揸車就無咁方便囉，因為沖繩的鐵路只經市區，郊區就要搭車喇！ 至於budget方面，平有平玩、貴有貴玩，我地呢次去沖繩七天，每人的機票連稅約港幣$3,900，每人的酒店 + 食 + 租車 + 油費 + 公路費約港幣$6,000，以農曆新年的價錢來說算平的！ 希望資料可以幫到你啦！
回覆刪除謝謝您的行程,一口氣刨曬整個沖繩之旅,超正!!1 我嚟緊Easter去呀,依家plan緊行程,只係訂左機票, 其他咩都未訂呀~!!! [版主回覆02/28/2010 14:30:00]謝謝你的瀏覽！ 你可以到 www.jalan.net 尋找合適的酒店，但可能有些酒店已經 full 左喇！ 沖繩最好係自駕遊，要預早d book 車好喎！
回覆刪除你好呀, 我係路過的, 因EASTER會帶埋一歲多女女一齊去, 所以SEARCH到你個BLOG。 請問, O係沖繩揸車難唔難? ( 因老公雖有車牌, 但好幾年冇揸喇....) 另外, O的設施會唔會BABY-FRIENDLY呢? [版主回覆03/01/2010 20:06:00]其實響日本揸車，除左東京大阪等大城市外，其他地方十分好揸的！一d都唔困難的！d日本人好好，揸車時都好禮讓的！超正！book車時最緊要book埋有baby-seat設施呀！ 日本係一個好照顧bb的國家，好多設施都係bb-friendly的！放心啦！
回覆刪除我同男友會在easter後去沖繩影婚照，睇到你的blog有好詳盡嘅介紹，真係好正。 見到那些教堂都好靚，我在想，如果普通影一兩張相應該無問題，就想在那裡影婚照的話，唔知比唔比呢？另外，想問問我見你們的行程差不多每晚都轉酒店的，是不是每個景點嘅距離都好遠呢？平均車程是多久？本來打算租一間酒店的，睇了你的blog，開始擔心每日來來回回是否會唔夠時間影相... 謝謝你的分享~ [版主回覆03/21/2010 21:10:00]謝謝你的瀏覽呀！ 我地都係walk-in入d教堂影相，當然要無人進行婚禮先影得啦！如果你地想著住婚紗響教堂裡面影相，我就唔係好清楚喇！你可以send個e-mail俾佢地問下。 其實有好多人玩沖繩會住在同一間酒店的，因為唔駛日日搬咁煩，但我地想試下唔同的特色酒店，所以就日日搬喇！車程呢就唔係好遠，平均約個幾小時的車程，有d要兩個多小時車程啦！都唔算好遠的。 如果唔想煩的話，我提議你住在同一的酒店，最多早d起床去唔同的景點，應該都ok的！ 影婚紗相最緊要係relax，所以唔好有太多事擔心呀！ 祝福你地！最緊要天晴呀！
回覆刪除最後買唔買到咩特別版既monopoly？(e.g沖繩版之類) [版主回覆07/13/2010 06:23:00]無沖繩版的大富翁，只有日本版的。最後我都買左一盒。
回覆刪除你好 ! 我最近一直睇你寫沖繩七天自駕遊 , 都好豐富呢 ~ 想問吓 : 1. 你哋係唔係都識講 & 睇日文呢 ? 因為我見你提供一些網址多數都係日文版 , 我唔識睇 , 點算呢 ? 2. 酒店 & 機票都分開 Book ? 唔係 package ? 揀酒店係以咩定義嚟訂住邊間呢 ? 3. 你嘅 planning 係唔係都睇 '閃 '面嗰本旅遊書呢 ? 唔好意思問咁多, 事先感謝 . [版主回覆08/17/2011 17:49:00]謝謝你的瀏覽！ 1. 其實我地係唔識日文的，但都可以在網上尋找資料，因為可以將網頁由日文轉為繁體中文，便可找到需要的內容。唔駛擔心！ 2. 分開機票及機票book，最大的好處是唔受酒店地點規範行程，可以就行程玩到邊、住到邊，亦可參考網友的comment及推介，來尋找合適的酒店，都幾自由的！ 3. 我地當然有參考「閃」面的旅遊書，但亦有其他旅遊書及網頁的資料的。 唔駛客氣，歡迎再瀏覽及查詢呀！
回覆刪除Hi你好! 我都準備去okinawa，search church既mapcode時search到你的blog。 有人話okinawa好悶，但睇完你blog覺得好豐富，我要努力編行程喇! [版主回覆10/04/2011 21:44:00]謝謝你的瀏覽及到訪！ 其實，去旅行真係為了relax，行程並不重要，最緊要係是否 enjoy 個 trip，其他的真係唔好擔心太多了！因為 --- 世界真係好大，一定去唔哂d景點，咁辛苦又何必呢？最緊要係配合自己的需要，玩得開心就ok了！
回覆刪除嘩！睇完你個blog, feel到你哋玩得好開心，因為我嚟緊都係要去沖繩honey moon，所以而家揾緊資料，點知咁啱揾到你個blog，好開心同好有同感，因此我又係初一去初七返，而且我都係主要為咗水族館、出海睇座頭鯨同賞花，而且仲會去同海豚游水等等，好多地方想去想做，但唔知夠唔夠時間，所以我已經為安排行程好煩惱，唔知你有冇咩建議比我呢？ [版主回覆10/20/2011 21:02:22]謝謝你的瀏覽！ 其實honey moon最好relax一下，enjoy下個行程仲好啦！ 你可以參考我地的行程，加上其他blog友的意見，一定會玩得好開心的！
回覆刪除