日本沖繩自駕遊の第一天

那霸機場 -> Ashibinaa Outlet Mall -> 知念市

同其他人講今年農曆年假期去沖繩，原來好多人不知道沖繩在那裏。
沖繩是日本最南端的一群島嶼，接近台灣，最出名是水上活動。
點解去沖繩，因為上年新年跟團去九洲，導遊話沖繩好玩，又有好多與海有關的景點，老爸一聽到，就話下一年新年要去，咁我未早一年已計劃與家人自由人去沖繩囉。其實沖繩真係唔係我杯茶....

我地一早找agent幫我哋訂香港快運去沖繩的機票，本身係預計去五日，及初三出發，最後呢間勁差的航空公司竟然"逼"我哋要在初一出發，初七先有機返，無辦法啦，淨係得呢間航空公司先有沖繩的直航，爸媽又話只要有得去，幾時都得，家姐很勉強地話無辦法啦，我和老公都無所謂，最後就決定去七日，初一出發囉...

一行五人坐香港快運UO658中午12點30分起飛的班機，飛到沖繩那霸，先去攞車。



今次book咗日產Lafesta七人車，由爸爸及老公負責做司機，揸足六日，讓爸、媽、家姐第一次體驗自駕遊的樂趣。

老公出發前一定要影影架車的咪錶。

呢架就係我哋的七人車，架車的顏色我好鍾意囉！

落機後的第一個景點係Ashibinaa Outlet Mall，係沖繩唯一一個outlet。相都見到啦，個場好大，但人好少，比係東京人頭湧湧的outlet真的差很遠。而我地全家人都唔係太鍾意買名牌，所以去到行一陣，只係比一間買沖繩特產手信的店舖吸引。

這對是沖繩獅子，是當地的標誌，好可愛的。

好快就見到我好想買的沖繩星砂，星砂只可以係沖繩一個叫竹富島的外島找到，很特別的。

其實星砂是一些小海洋生物，死後會將星形的外殼留在竹富島的沙灘上，所以這個島就好似找到很多星形的砂粒。

家姐、老公一見到就話要大量搜購，但我就不斷提佢地其實之後好多的景點都有得買，唔駛急囉。但係咁特別，又點會忍得到手呀.....

之後我地去這餐廳填肚。



其實來沖繩之前，我一早向呀媽預告，沖繩有一道傳統的菜色，佢係好鍾意吃的，但要受控制地吃，就係肥豬肉。點知來到沖繩的第一餐就食到，佢都不知幾開心。我哋當然唔會比媽咪胡亂吃啦，眼看口不能動，其實仲慘囉。

碗麵上的綠色一粒粒就是沖繩的另一特產--海葡萄。口感好得意的，我家姐一吃愛上了牠。

這是在魚缸中活生生的海葡萄，其實牠是一種海藻，生吃牠時好似吃魚子咁，鹹鹹地，幾好吃架。

到了我哋第一晚的落腳點，知念懸崖邊酒店，都幾難找的，但貪這間酒店有一點的特色(下一篇便知).....而這間酒店都有溫泉浸的，老公去到酒店的溫泉，竟然一個人也沒有，之後做了些只有香港人才會做的，就係偷影。而我和媽媽也有去浸，浴間都係只得我倆人，浸完就返房睡覺了。係一家五人一間房啊！