正東津 -> 沙漏公園 -> 軍事公園 -> 正東津火車站 -> 江陵站 -> 梨泰院
昨晚很好訓，因為之前滑雪很累；聽導遊講呢間酒店睇到日出，好靚的！我地的房間唔係向東，所以要睇日出的話，要上觀景台睇，真係慘！
我老婆知道我鍾意響旅行時睇日出，又知道今日的日出時間係七點半左右，唔算好早，所以我同老婆決定上觀景台睇啦！黎明時的天氣較涼，但已經吸引好多人上來睇日出！
未日出時的情況十分靚，望見地上的雪、海洋的寧靜、天空的美麗，天邊的景色顏色鮮艷，十分靚！
日出的一刻，倍覺感動，雖然水平面上有一D薄雲，但太陽出來時，一樣興奮！
日出了！天空的景色十分醉人，我同老婆真想永遠擁有呢個時刻！
好喇！睇完日出，我地都好滿足，返到房間，睇到酒店房間外的景色，都好靚！尋晚太夜返來，都唔知窗外的景色係咁靚！
早上的海特別平靜，天色亦特別靚，萬里無雲，十分舒服！
望向酒店下面的沙灘，見到沙灘上有一堆堆白色的物體，原來係D雪來的！
好喇！肚餓了，落去食早餐！酒店以郵輪設計，餐廳設計當然配合，亦十分潔淨
早餐以西式為主，雖然份量唔多，但好好味！最正係件多士，熱騰騰又鬆脆，勁回味！
好喇，食飽梗係出去行下啦！一出酒店，門口見到的係一張「郵票」？！好過癮！
呢個雕刻好有藝術感，主題係講人與人之間的和諧關係，好有Feel！
呢「隻」船就係我地間酒店喇！係咪好Grand呢？！我搵左好耐先搵到呢個地方，影張咁靚的相！
呢張相似唔似一群人打架？！
我地見到公園內有兩隻「巨手」，好似叫做「日出之手」，我特登叫老婆整隻手來做對照，影出來的效果都幾得意呀！
「日出之手」中間有一個圓圈，聽人講日出時，個太陽會經過個圓圈的中間的！好神奇！
離開酒店，到達第一個景點 --- 沙漏公園。沙漏公園中有一個沙漏，係全世界最大的沙漏，每年元旦日會將沙漏倒轉一次，到大除夕就會在公園倒數，迎接新的一年。我地去當日係大除夕，所以見到上面D沙剩下很少！咁即係新的一年快到了！
響沙漏公園向前行，到達一個沙灘，望番沙灘上的酒店，真係好Grand呀！
沙漏公園附迎有一條河，雖然無乜特別，唔太吸引，但我覺得好靚，因為其實條河面結左一層薄冰，個倒影好靚！
睇完沙漏公園，去第二個景點 --- 正東津海邊的軍事公園。公園裡有兩隻艇，其中一隻係北韓的核潛艇。呢隻潛艇係北韓偷偷潛入南韓時，因為機件故障而北韓特工棄艇的。南韓政府為左警誡此事，將呢隻潛艇放響公眾，以儆效尤。
潛艇的內部，其實十分窄的！我響裡面撞親個頭添！
睇完北韓潛艇，再睇南韓的軍艦。呢隻軍艦已經退役，宜家開放給公眾參觀，目的係長示國家的實力。
軍艦上的炮台。呢張相好難影的！因為好難得影唔到其他人！
睇完軍艦，我地就出發前往世界最接近海邊的火車站 --- 正東津火車站。因為要趕搭火車，十分多人！
入都車站內，睇下右邊？！見到個海灘嗎？左邊的路軌有好多雪呀！我好鍾意呢張相的，好有Feel！
正東津火車站的月台。睇到出面的海灘，真的好接近海！
火車到喇！睇下幾多人爭住去影相？！呢張相都好難影的。我老婆就覺得有d遺憾，因為試唔到呢個火車站小賣店最出名的食物 --- 魚蛋！
火車上的情景。因為防止北韓人非法入境或者保衛國土，岸邊有鐵絲網圍住的。
到了江陵站落車，睇下個天幾靚！心情都開朗D！
食過午飯，旅遊巴返回首爾市郊駛回市中心 --- 梨泰院。今日剩餘的行程，包括梨泰院同樂天世界，因為我同老婆都去過樂天世界，我地向導遊申請自由行。好野，又有半日自由行時間，正！
我地主要會搭韓國的地鐵自由行，起初我地都擔心韓國的地鐵會唔會好複雜，上網睇完個鐵路表後，一D都唔擔心，簡單過日本個JR鐵路圖好多！
呢之係我第一次響韓國搭地鐵，感覺真係好似去左日本的地鐵站！
我老婆雖然唔係第一次搭韓國地鐵，但佢覺得韓國的地鐵改善左，因為以前地鐵站內只有韓文指示，好難明白，要查詢就好似去左外星睇外星文字 --- 「靠估」！今次睇到有幾種語文 --- 韓文、英文，最重要的係有「繁體中文」！勁！我地一睇就知去到邊啦！勁方便！
我地從梨泰院站搭到梨大站，全程8個站，要轉兩次車，收1000Won，即係港幣6元，都幾抵啦！
好，到達梨花女子大學附近的商店區已經晚上六點，天黑黑了！好，老婆話要爭取時間掃貨，Let's Go！
估唔到我地響韓國見到 Giordano ，好有親切感，但D衫就一般Style，我地行左一陣就走左！
行左兩個幾鐘，見有D累，又凍(當晚我估只有零下一至兩度)，搵D野食先！我地唔想食韓國的「地道」野食，即唔係「燒」就係「鍋」，我地決定去食「日本」拉麵或者定食！行行下俾我地發現呢間日式食店，好，即入！
我老婆叫的拉麵，佢話都好日本Feel！好味！最緊要係熱騰騰！
我就叫左個咖哩豬排定食，嘩！D咖哩勁好味！豬排又彈牙，正！
食飽了，我地Shopping多一陣，我老婆當然有「戰利品」啦！之後我地去左一間超級市場逛逛，一入去當然搵手信啦！嘩！D紫菜大一包裡有25小包裝，都只係3000Won左右，一小包唔駛港幣八毫子！嘩！超抵！我老婆話，如果去D專賣手信的店舖，要10000Won一大包！足足貴成兩倍！我地幾大掃貨！
好喇，要搭的士番酒店喇。番到酒店，等左一陣，差不多到零晨十二點，我地就響酒店倒數迎接新年！「五」、「四」、「三」、「二」、「一」、「Happy New Year」！我同老婆都好開心，因為呢次係我地第一次響外國慶祝新年！勁 High！
希望2009年比2008年更進步！
沒有留言:
張貼留言