一家大細遊台北の第二天

九份 -> 瑞芳 -> 平溪 -> 十分 -> 十分瀑布 -> 大華 -> 饒河街夜市

尋晚食左個好美味的蛋糕，yummy！

今早一起出門口，就見到好吸引人的donut，超想食，不過仲未開門呢！

 
早上的西門町十分寧靜，好多商舖未開。

好，今日第一站 -- 九份！無錯，又係九份！指定動作來的，外母同阿姨次次去台北都會去的！所以途中無乜影相，我地響火車上就傾吓計、休息一下囉！

去到九份，當然又係食啦！什麼肉丸呀、芋圓呀、刨冰呀．．． 太多野食喇！狂風掃落葉！
食飽就行下，我地響九份買左件人手繪畫的 T 恤，都畫得幾靚的！我就買左隻「三狗組」CD，係由三隻狗仔唱歌的！番屋企播俾 Miu Mo 聽，佢地一定會跟住唱 ( 吠 ) 的！

見到有個師傅整玻璃，我老婆話遲d去日本試下整玻璃先！

其實去九份都去到有d悶，所以影相甚少，反而我地更想去下一景點 --- 平溪。

由九份搭的士落到瑞芳火車站，由瑞芳去平溪線火車係好近的！但要注要火車班次，因為都幾疏的，平均一個至個半小時先得一班火車的！所以先要在網上check清楚！

好，有火車由瑞芳去平溪喇！團友要上車喇！

一般的香港人都未去過平溪，因為平溪比較鄉村 feel ，但我地一行八人都好鍾意呢處，一來係我地八人都未來過，二來係平溪真係有好多野玩、好多野睇，仲有，我地響平溪呢段行程，有一段「畢生難忘」的經歷添！

火車係單軌雙程，好有特色，好，先影吓相先！

然後由平溪火車站出發，行下平溪。沿路有好多店舖，掛哂燈籠，又有d一個個好似「草帽」形狀的物件，都唔知係乜！

原來平溪最出名的係放天燈，我地梗係要試下啦！我地搵左間最出名的店舖，嘩，好多人呀！

放天燈係將自己的心願寫響天燈上，然後將天燈中間的支架上的燃料點著，天燈就會升上天空的！好得意呀！

媽子同外母都寫左「身體健康」，阿姨寫「合家平安」！好，希望大家願望成真！
寫完之後，伯伯就會幫我地點天燈的！我地好緊張呀！

好，一、二、三！天燈起飛喇！

個天燈都升得幾高的！

睇下！幾個天燈一齊升起，幾好！

我地個個睇住d天燈飛起，都好開心！我老婆又要影番張相留念先！

平溪好似烏來，都有條小小的河流，但比烏來更寧靜、更舒服！

沿途不斷見到其他天燈飛上天，好靚的畫面！

好，行完平溪，去下一景點 --- 十分。我地響平溪車站上車，先搭去菁桐，再搭回程車去十分，如果唔係一定無位坐！

好，擺番個靚post影張相先！

好喇！話咁快，到達十分車站，呢處比平溪繁榮，火車站旁就有好多商店！

十分出名有好多條吊橋，我地沿途都見到最少三條！

下面係其中之一：「靜安吊橋」

我地都覺得好特別，因為估唔到火車軌同商店可以咁接近！

呢張導覽圖係我特登影的！其實平溪線真係有好多野玩的！

呢條係第二條吊橋 --- 「四廣潭吊橋」。

我地響十分落火車，行上大華車站，因為沿途有好多景點，睇下條吊橋響火車軌旁，就知道好多人好似我地咁玩法啦！但係我地極唔建議用這方法去十分瀑布，因為．．．

經過埋第三條吊橋 --- 「觀瀑吊橋」後，終於來到十分的著名景點 --- 十分瀑布。十分瀑布係全台灣最大的瀑布，好多人慕名而來的！不過沿火車軌旁的小徑要行一段路才能到達，最後只有我同老婆去睇，其餘六人就響瀑布頂欣賞瀑布。我地行到瀑布下，覺得辛苦都值得的！因為真係好靚！

響瀑布頂影相就係咁喇！都幾有氣勢的！但就睇唔到成條瀑布的「威勢」喇！

好！行完十分瀑布，我地想去大華搭火車！由頭先見到的導覽圖顯示，由十分瀑布去大華車站，路程十分短的，大概十分鐘的路程就可以了。於是我地一行八人，繼續向前行。

點知 ．．．．．．

響我地前面只有一條隧道，係有「火車軌」的隧道！即係火車會駛經呢條火車軌的！

當時我地都好徬徨，如果向前行，唔知有無火車駛經，有就大件事喇！如果番十分搭車更慘，因為尾班車已經開出了！無車搭！我地問哂所有「團友」終於做左一個決定 --- 就係「衝呀」！

短短的隧道，好似用左好耐先至行完！我同老婆箇中的擔心，簡直難以用筆墨形容！

終於平安到達大華車站，鬆一大口氣了！

更感恩的是，當我地到達大華車站時，過多兩分鐘就見到火車到站！我地唔係感恩有得搭火車，係如果我地行慢兩分鐘，會有乜野後果呢？！宜家想起都驚驚！

好！總算平安上了火車！我地差不多要晚上七點先去到下一景點 --- 饒河街夜市。去饒河街夜市，就梗係要光顧「三媽臭臭鍋」啦！勁回味！

行下食下，係時候番酒店了！番到酒店附近，梗係要試下間鮮搾果汁店的苦瓜汁啦！
好，早d抖！定一定驚先！