西門町 -> 烏來 -> 師大夜市
每逢農曆新年，我地就會計劃一家人去旅行，今年比較特別，除左外父外母想去之外，我「媽子」都想去下旅行，享受一下，好啦，我地決定兩家人一齊去啦！去邊處好呢？一來要考慮行程唔好太遠，二來又要大家都覺得好玩，最重要係有新鮮感！好彩上年我地同Pingu去過台北，發掘到D新景點，好啦，一於去台北啦！
今次報名的有八人：外父、外母、家姐、呀姨、表妹、媽子同我地兩公婆，因為外母同呀姨都去過台北好多次，都提議去D新景點；媽子就無乜所謂，不過身體比較差，又唔可以去D好tough的景點，令今次計劃行程有好多顧慮的地方......
好，今次旅行以relax為主，兩家人可以溝通一下，幾好呢？！
我地於21日上午五點半左右就到達機場check-in，搭港龍KA486於07:40起飛，「呀妹旅行團」出發喇！
我地根據上次的行程同經驗，先響東龍大飯店放低行李，再去西門町的阿宗麵線食D野，好，出發喇！
第一站就係上次都有去的烏來，因為上次有經驗，今次帶隊都有D信心！上年到烏來的時候落雨，今次就唔同喇！好好天呀！仲見到條好靚的瀑布！
仲有，上次來的時候係四月，都見唔到台灣的櫻花，今次終於見到喇！我地「成團人」都好開心呀，爭住影相添！我地都影左幾張！
台灣的櫻花同日本的櫻花問種唔同，台灣櫻花比較深粉紅色，另有一番風味！
行左一陣，外父聞到陣陣香味，急不及待睇睇有乜野食先！原來係山豬肉腸同山豬肉串，立即試下先！唔知D豬係咪好多運動的呢，D肉好有質感，好好味呀！值得推介！
沿途仲有好多賣香腸的小店，我地成團又忍唔住買左幾條share！好味！
來到小火車站前，指定動作：影相！
雖然我地上次都有坐小火車，但今次仍然興奮！
落到山下，見到各式各樣的小攤擋，當然又忍唔住買野食啦！
途中見到兩隻識「笑」的小狗，幾可愛！
嘩！上山時都無咁多人的！落山就變成咁了！
烏來最出名的其中一樣小食係山豬肉腸，我地由街頭行到街尾，大大話話都見到十幾間賣山豬肉腸的攤擋，太多喇！
上次到烏來，印象最深的就係呢條河，因為好有鄉郊feel，今次再來，一定要影多幾張相！
其實，我地真係好鍾意烏來，覺得d屋響條河上面好有特色！外母、阿姨同媽子都有同感！
行左烏來兩個多小時，落山喇！想去師大夜市行下！經過捷運站，見到有個叫「愛心傘」的架，上面有d雨傘，起初我地都唔知點解，後來估下估下，應該係俾d人響突然落雨時，等d人取遮用！我地話，如果響香港，d遮一早就無哂啦！
一心去師大夜市，最大的得著竟然係 --- 影左呢張相！因為當時係農曆新年，夜市好多店舖都關門，我地呢團「食白果」！只經過一間叫「頂好」的超級市場，熟口熟面喎！睇下個英文，咪係香港的「惠康」囉！
好在，最後都響師大夜市買左樣野，就係一個好靚好靚的生日蛋糕喇！因為外母生日呀！我地響酒店同外母切生日蛋糕，都好開心呀！
沒有留言:
張貼留言