一家大細遊台北の第二天

九份 -> 瑞芳 -> 平溪 -> 十分 -> 十分瀑布 -> 大華 -> 饒河街夜市

尋晚食左個好美味的蛋糕，yummy！

今早一起出門口，就見到好吸引人的donut，超想食，不過仲未開門呢！

 
早上的西門町十分寧靜，好多商舖未開。

好，今日第一站 -- 九份！無錯，又係九份！指定動作來的，外母同阿姨次次去台北都會去的！所以途中無乜影相，我地響火車上就傾吓計、休息一下囉！

去到九份，當然又係食啦！什麼肉丸呀、芋圓呀、刨冰呀．．． 太多野食喇！狂風掃落葉！
食飽就行下，我地響九份買左件人手繪畫的 T 恤，都畫得幾靚的！我就買左隻「三狗組」CD，係由三隻狗仔唱歌的！番屋企播俾 Miu Mo 聽，佢地一定會跟住唱 ( 吠 ) 的！

見到有個師傅整玻璃，我老婆話遲d去日本試下整玻璃先！