松山城山公園-->高知-->竜串-->足摺半島
因為今天的車程較多，所以一早出發，離開松山的東橫Inn。
根據櫻花情報，松山的城山公園也是滿開，所以順路逛一逛。
城山公園中的松山城
範圍亦很大，我地唔想花太多時間在這裏，所以沒有進入松山城。
只是遠眺影張相。
若有櫻花盛開，也是很壯麗的。
因為今日要走很遠的路程，所以要入定油。弊，要自助入油添.....
唔緊要，日本人好helpful的，問一問就識。
後來問了位伯伯，他很好人，用身體語言教我地點入油同付錢。
好，往高知縣出發。
老公見沿途好少車，又沿海路行，就比我試試楂車。
楂車都幾好玩，唔好以為我楂大膽車，我比老公更早有車牌。
到達竜串，那裏有好多觀光景點
遊景點前醫飽個肚先。入去海遊館的餐廳食午餐
我地每人叫了一個定食，老公叫了燒鰹魚定食。
我就叫了一個是日限定的豐富定食。其實係想老公食多D。
高知的名物鰹魚真係好好食。食飽後先去第一個景點，竜串海中公園。
途經很多奇型怪石，由海水風化而成的。
這兩舊石應該有d特別意義...日本人係咩野都拜!
很大的斷裂位
覺得舊石被風化到有d核突。
地理學名叫蜂窩狀風化
終於到達海中公園，探探海底的魚魚。
其實我地去過好多海底展望塔，個個都差不多，都係一個個窿。
都係好多魚.....
仲有好似四方盒的雞泡魚。
上年打風時，展望塔差點被海浪完全吞沒。
之後我地沿海岸遊步道行，欣賞奇型怪石。
近起點的岩石形態未算太特別。
再行遠些，看看似不似一隻大動物的腳趾骨﹖
一望無際、一條條的骨頭。
岩石被海浪侵蝕到好 "滑"。
一直伸延出海
我，只是用來做scale。
其實這串腳趾骨係有名的，叫大竹小竹。
岩石上的鹽結晶
離開竜串後，又由我驅車前往另一個景點。
沿海邊行，又冇車，好爽呀!
一條大直路，冇車
在日本練下車，都幾好架!
這就是陪我地走遍四國的cube，但之後它卻遭遇不測....
在展望台上望一望四國的最南部，足摺岬。
想再行近些，就要行一段好窄的山路。
再入小鎮...
終於到足摺岬了。
每逢岬位，都有燈塔提醒海上的船
近距離欣賞完足摺岬後，就返今晚的酒店。
這晚我地可以享受酒店屋頂上的貸設風呂。
望住個大海架
仲可以睇日落
一樂也
老公忙於影日落
入黑後的風呂
風呂的入口
今晚的晚餐係高知的名物，皿鉢料理。大量的高知海產放在木製的盤上，十分豐富。
又是煙燻鰹魚，好好食。
寫了我的名的菜單。
我倆食到大快朵頤，真係好豐富。
點會食得晒....
今晚又食得好飽，感恩!
沒有留言:
張貼留言