日本東北 --- 福島山形宮城三縣行の第一天

東京羽田機場 -> 佐野 Premium Outlet -> 福島縣會津若松市

自從去年農曆新年的沖繩自駕遊後，我地一家好期待今年再自駕遊，原因有幾個：方便時間管理、想去邊就去邊、最重要係一家人開開心心去旅行而唔受其他「團友」影響！

去年已籌備於今年去東北，我同老婆早於2009年8月搵機票同酒店喇！係咪好誇張先？！

農曆新年去旅行，一定會好貴的，我地經Agent買機票，機票連稅要$4,100，貴！但無辦法，因為十月份先book機票都已經full哂喇！

有左去年同屋企人自駕遊的經驗，今年我地可以計劃去得更遠，因為要睇靚景通常需要搭好耐車先至到達的！今年我同老婆都唔想去好多好多景點，只想去讓一家人relax一下，當然希望book D 有特色的酒店啦！

我地從09年11月份有初步的行程開始，一家人都極期待今次的旅程的！我地只有一件事擔心，就係天氣喇！我地最驚落大雪，封高速公路，咁就大件事喇！

好，我地坐ANA機，飛0100，好早呀！我地都有d擔心爸媽會唔夠精神的，但我地貪玩，想早d去到東京取車，決定咁早出發啦！點知就出事．．．

響出發之前，daddy同媽咪身體都有d唔舒服，患感冒，上機前已睇左醫生，但因為咁早出發，響機上又無覺好訓，所以一落機，daddy已經好唔舒服喇！

航班於0600到達日本羽田機場，check-out後都只係0630，我地響機場休息一陣，點知daddy話個人好暈，見佢咁辛苦，訓番一陣先啦！我就出機場外影影相。咁早梗係無乜人啦！

我地book左日產車，counter開上午八點，我地有個半鐘頭休息。點知daddy越訓越唔舒服，我地要食d野先取車。

到日產的門市取車，上午九點準時出發！臨開車前影影先！睇下全程駕駛幾多公里的路先！

駕車約個半小時後，我地到達第一站 --- 佐野 Premium Outlet。原本我地想一齊入去shopping先，但daddy話佢真係好唔舒服，想響車上休息一下，訓陣覺。好啦，俾daddy休息一下先，我地四個 --- 我同老婆、mammy同家姐入去行下喇！先影下我地的「坐駕」先！又係日產Lefesta！

去到outlet外，人唔多，我老婆話裡面有好多target想去的 ---

有 Disney Store、Swarovski 啦．．．

仲有Agnes B、Gucci、Levi's、Nike、G-shock、Lesportsac 同 Adidas 添！

我地行左成個鐘，人就唔多，收穫就更加少！我地只係響disney store買左d手信咋！最大得著就係見到呢兩隻BB！超Cute！

行兩行就累了！入food court食個湯烏冬先！都幾好味！

我地見daddy響車上，就買幾個飯團俾佢食。我返回車中，見daddy已經好唔舒服喇！又話想暈、又唔知邊處有廁所、又凍、又肚餓！我見情況不妙，立即同daddy去左廁所先，然後睇下佢食唔食野。佢話咩都唔想食，好想早d返酒店休息！我地本來仲有一個景點，就係去士多啤梨園任食士多啤梨，但見daddy咁唔妥，惟有速速駕車返酒店！駕車途中影左幾張相，其實都感恩，因為無落雪，唔會封高速！

經過三小時的車程，終於到達酒店 --- 位於福島縣會津若松市的新淹館。酒店都幾「隱蔽」的，因為經過一段山路後，還要經過一條小路才到達。一到達立即check-in，我同老婆一間房，daddy、mammy同家姐訓另一間房，都係八至十疊，房內都幾靚的！

daddy就留在房中休息，我、老婆、mammy同家姐就第一時間去左浸溫泉先！經過長長的走廊，覺得好靚，影低先！

走廊窗外的景色，小溪、樹枝、白雪，交嬂成美麗的風景！

其實得我一個自己去浸溫泉，悶悶地，浸左一陣就出外，影下酒店附近的景色先！

呢條就係入酒店的「小路」！好窄的，單線雙程行車！

但小路真係好有特色的！我好鍾意呀！

酒店外的小溪。與附近的建築很match，感覺很浪漫！

聽老婆講，佢地浸的溫泉係露天的，池外的景色就係咁樣的，望住條小溪同d已荒廢的建築物，好有詩意！

浸完溫泉，係時候食晚飯。其實daddy都唔係好有胃口食，但係點都要食d野先！雖然有眼前的美食，但大家都好擔心daddy的情況，所以食的時候大家都好靜。呢餐叫「野遊之膳」，有「造里」、「燒物」、「平椀」、「先付」、「小钵」、「強肴」、「前菜」、「蒸物」、「香物」、「椀物」、「食事」、「甘味」十二味！其實我地都唔知食乜，但食物就不斷送上．．．

最後見到的情況就係咁樣！

D 巨峰提子好好味！但食飯過程中daddy就一反常態、好少出聲，睇來佢真係好唔舒服！ daddy食左一陣仲話唔食喇！好擔心添！