日本沖繩自駕遊の第一天

那霸機場 -> Ashibinaa Outlet Mall -> 知念市

同其他人講今年農曆年假期去沖繩，原來好多人不知道沖繩在那裏。
沖繩是日本最南端的一群島嶼，接近台灣，最出名是水上活動。
點解去沖繩，因為上年新年跟團去九洲，導遊話沖繩好玩，又有好多與海有關的景點，老爸一聽到，就話下一年新年要去，咁我未早一年已計劃與家人自由人去沖繩囉。其實沖繩真係唔係我杯茶....

我地一早找agent幫我哋訂香港快運去沖繩的機票，本身係預計去五日，及初三出發，最後呢間勁差的航空公司竟然"逼"我哋要在初一出發，初七先有機返，無辦法啦，淨係得呢間航空公司先有沖繩的直航，爸媽又話只要有得去，幾時都得，家姐很勉強地話無辦法啦，我和老公都無所謂，最後就決定去七日，初一出發囉...

一行五人坐香港快運UO658中午12點30分起飛的班機，飛到沖繩那霸，先去攞車。



今次book咗日產Lafesta七人車，由爸爸及老公負責做司機，揸足六日，讓爸、媽、家姐第一次體驗自駕遊的樂趣。

老公出發前一定要影影架車的咪錶。

日本沖繩自駕遊の第二天

知念 -> 玉泉洞 -> 奧武島 -> 平和祈念公園 -> 造玻璃杯體驗 ->

喜屋武岬 -> 美浜美國村 -> 恩納海岸

酒店的特色，又係睇日出囉。

我book這間酒店的原因，係因為有間家庭房，有180度的全海景，向東，望日出的。我老爸鍾意海，我老公鍾意日出景，一舉兩得。但這天的日出由於有較多的雲霧，所以未能看著個鹹蛋黃由海平面升上來，有點失望.....我唯有安慰老公，看日出，仲有大把機會呢！

日本沖繩自駕遊の第三天

恩納海岸 -> 海中步道 -> 萬座毛 -> Coralvita Chapel 教堂->

御菓子御殿 -> 海中展望塔 -> 菠蘿園 -> 本部港

第二晚我哋入住恩納村的海中步道酒店，這間酒店的特色除了是房間有無敵大海景外，還有一個人工沙灘，濱外有一海中步道，讓住客可以更接近大海洋。

白鴿飛....有很多白鴿在房間的露台外"搵食"呢!我老公的攝影技術不太差吧！

早餐後，當然要走一走海中步道。老爸都沒有耐性等我們，一早就"自由行"了。海的顏色實在太美妙了，最開心還是人很少，才可以影出這麼美的相。

日本沖繩自駕遊の第四天

本部港 -> 沖繩水族館 -> 今歸仁城跡 -> 名護市

這就是我們住的酒店--The Beach Lue。長廊的中間位係餐廳，直去盡頭有幾間房，都是面向沙灘。若果在夏天來，這算是一個渡假的好地方。

之後我地去沖繩水族館。是世界最大型的水族館。這也是今個旅程的重點，讓爸爸在沒有時間限制下，盡情欣賞魚魚。(所以今日的行程預計只有2個景點而已。)

日本沖繩自駕遊の第五天

名護市 - > 屋我地島 - > 古宇利島 - > 名護城公園 - > 殘波岬 - >

製作海鹽體驗 - > Aquagrace Chapel 教堂

第五天大約上午十時出發，今天的行程都比較多，好，努力！

由於酒店不包早餐，我地要駕車到Jusco，買d麵包同壽司上車食！

駕車約十五分鐘，到達今日行程的第一站 --- 屋我地島。個名好特別，仲好靚，我地見今日十分好天氣，被海天一色的環境吸引。

在屋我地島行左一陣，睇到個內海十分水清沙幼，令人心曠神怡！

日本沖繩自駕遊の第六天

殘波岬 -> Arluis Suite 教堂 -> Renaissance Ribera 教堂 -> 琉球之館 ->

泊Lyumachi魚市場 -> 赤嶺站 -> 首里城 -> 國際通

尋晚大家都訓得好，但我同老公都祈禱想今日好天，今早一起床 ...... 嘩！天睛！感謝主！雖然原先計劃好去坐小潛艇欣賞海底的魚魚，但因風浪太大，船公司取消了，多出的時間未去下其他景點囉。

食過早餐我地去參觀兩間教堂，第一間叫 Arluis Suite，睇下幾靚先？！

教堂內部都好靚的！

逗留一陣，我地再去第二間教堂，呢間已經係行程中參觀的第四間教堂，四間都好靚！我地都話：唔知點解沖繩d教堂好似特別靚的？！行禮都浪漫d！

日本沖繩自駕遊の第七天

那霸市 -> 那霸空港站

今天是整個行程中最Relax的，因為不需特別早起床，亦沒有特別的景點，只是在那霸市附近隨意參觀！

今天亦是我老公影得最少相的一天，因為今天主要以Shopping為主！佢比較失望！

酒店附近有兩個較大型的商場，Daddy同媽媽最喜歡逛超級市場，家姐、老公與我就隨意逛，看看衫及飾物。在商場看見一張Poster，呼籲人自備購物袋，叫老公影下作教材！

來到我老公最鍾意的 Toys R Us ，此行是為了一個目的 --- 尋找日本版的大富翁。我老公都鍾意儲大富翁，去不同國家旅行都會買當地的大富翁作紀念，現在都儲了幾套不同地方的大富翁！

玩具反斗城中有一些得意的日本結婚公仔，有不同的造型，我老公一定唔客氣，影！