日本沖繩自駕遊の第一天

那霸機場 -> Ashibinaa Outlet Mall -> 知念市

同其他人講今年農曆年假期去沖繩，原來好多人不知道沖繩在那裏。
沖繩是日本最南端的一群島嶼，接近台灣，最出名是水上活動。
點解去沖繩，因為上年新年跟團去九洲，導遊話沖繩好玩，又有好多與海有關的景點，老爸一聽到，就話下一年新年要去，咁我未早一年已計劃與家人自由人去沖繩囉。其實沖繩真係唔係我杯茶....

我地一早找agent幫我哋訂香港快運去沖繩的機票，本身係預計去五日，及初三出發，最後呢間勁差的航空公司竟然"逼"我哋要在初一出發，初七先有機返，無辦法啦，淨係得呢間航空公司先有沖繩的直航，爸媽又話只要有得去，幾時都得，家姐很勉強地話無辦法啦，我和老公都無所謂，最後就決定去七日，初一出發囉...

一行五人坐香港快運UO658中午12點30分起飛的班機，飛到沖繩那霸，先去攞車。



今次book咗日產Lafesta七人車，由爸爸及老公負責做司機，揸足六日，讓爸、媽、家姐第一次體驗自駕遊的樂趣。

老公出發前一定要影影架車的咪錶。